Live Music
Archive
Librivox
Free Audio
Metropolitan Museum
Cleveland
Museum of Art
Internet
Arcade
Console Living Room
Open Library
American
Libraries
TV News
Understanding
9/11
Gonçalo Neves: Plu mult aero! Kolekturo de 35 original Ido-poemi modesta (forsan ne la maxim mala da ica autoro), kun prefaco e mikra glosario da Nuno Lemos. Espinho: Editerio Sudo, 2023. 68 p. (pdf-edituro)
Poeto, skribilo e papero: eterna lukto, iterata desespero. Kad existas plu solitara terano kam poeto? Lu varsas sua anmo, kolorizas ol per pasteli, ofras ol a lekteri nebulatra, di qui lu konocas nek la nomo, nek la vizajo. Lu libereskas del poemo, qua prokuras a su propra vivo en la mento di qui komplezas turnar la pagini di la libro, enregardar, mem lektar ed, eventuale, juar. Erste lore la poeto kompletigas sua misiono. Sen poeti, sen poemi, sen poeziala juado, lingui etiolesas, stuntesas, velkas, deperisas. Nur poezio pulsas lia limiti, dotas li per omna necesa penso-nuanci, nur poezio garantias lia pardevelopeso, nur poezio regalas li per voco unika, per propra spirito. Per la nuna kolekturo, konsistanta ek 35 poemi diversa-tema e diversa-stila, plusa briko sternesas en la edifico dil Ido-literaturo, erektata, ja de tota yarcento, kun multa sakrifiki, devoteso ed entuziasmo.
